[Ssaansche]

Boll che-iht dat allwiier loas met dä Vöarchresdaachstied. Hie em bettschen Vöarcheschmack


I-koupe kott vöar Chresdaach


Va’weege et chiff’t ke-in Omendüür meah te verleewe. Do muttse nee ekstra duar dat we-ile Kurdistaan föar te riie. Wän soa wat sseet, dän heet van dat modäne Tuute um Bloose ke-im bettsche Ahnung!
Ek mutt dat jo weete, denn ek häpp dat am e-igene Lief dökkes mitchekreegen, in us fien Ruhrbania - Mölm, oha ! Dä Ounerchangk vam Pompeji woar do noch en freedfäädig Idülle dotegen !
Ssooterdaach – lange Ssooterdaach vöar Chresdaach ---- we-iten ink nou Besche-id ?
Dat ek an ssoan Daach en nöie fiene schwatte Buksche koupen woul, dat hadd me-i bestemp dän Düvel inchecheewe.
Kloor, ees en vöarssechtigen Minsch häpp ek minne Wagen to Huus chelooten un ssin vam Wauldschlössken mit de Strootebahn chefahre !
Äwwer dann, en Stadtmitte, ees ek utsteegen woul: Et laaste, wat ek noch e-igenstainig doon koun, woar, noh de Uhr to kieken – halwe Vier.
Dann koam ek me-i vöar, ees in 'ne Büffelheerd, de Amok löpp.
Van achtern kreeg ek em Bobbycar inne Knee, van vöare em Paraplüi inne Buck un wood chnadelos de Rolltrappen eropchequetsch, donoh döar de Schloßstroote, wu ek charnee her woul, kreeg am Kohlekamp met e-imol en Knackwoos inne Haund, de ek öwwerhoups nee bestellt hadden – wood se äwwer chlicks ouk wiier loas un kreeg em Possion Moostert in dän Nacke, koam duar Tufall in en chroatem Plörrewinkel, wood do äwwer all be-i de Schlipsen un Hemden wiier duar en aunere I’changk op de Stroote cheschoowe. Do woar ek dann föar en kle-in Wiel Metchlied van en chrieschische Familje un moot twei schwatte Olive rouner schlocke, ssoach de chanzen Tied boowen öwwer me-i de bounte Chresdaachlööchde un ek fengk nou äenshaff aan te chlöive, ek wöar all doat on em Hemmel, do chingk dat met emol de Trappen erouner, un de Strootebahn koam aanchebruus, ek wood do met erinn chetrocken, on ees ek wiier anne Luuf koam, do wöar ek wiier am Wauldschlössken.


Op Ssaansch Platt opcheschreewe: F. Firla
[/SIZE]