Dä verpuppte Kanalljevugel aus: Hübbelspöhn 1904
Op Günsitt wur en lüstige Fent,
Dä jedermann in Möllem kennt.
Et wur en Minsch voll Fiskesmehre,
Su rech, üm Möllmsche Aht te lehre.
Sunne rechte Möllmsche Schnükefänger,
Be-i dem wahl jeder ge(r)n noch länger
Hätt togehört, wenn he vertellde,
Ofgliek he log, dat de Ohre gellde.
Nu hörent, wenn et Ink gefällt,
Wat he in Düsberg opgestellt. –
Us Edewatsche wunden es,
In de achziger Johren üs et gewes,
Be-i en Schuster lang, dä schrehw sich Pugel,
Den hatt en feine Kanalljevugel.
Dä Vugel mug sin Höpke Mier
Un wuar en adeg, knallgeel Dier.
Dä kus un woul nit dervan lote.
Es morges stound us Edewatsche
Vür et saftig grüne Miere-Gatsche,
Dat Mister Pugel voll Pleßier
Vür Johr un Dag beseiht mit Mier.
Nohdem et Edewatt bekieke,
Woul he innet Hus herin sich schlieke;
He wus wahl, dat be-i Hinnemann Kohte
He sich de Laumpe fies begote.
Doch Pugel stound an der Werkstattsdüre;
Dä Vugel sung – me kus et höre –
„Oh, hören Sie doch mal den Vugel an,
Was das kleine Dier stahts singen kann.
Der hat wohl närges sinnesglieke;
Oh, kommen Se ‚rein ihn zu bekieke!“
Usen Edewatt hat ke-ine Schriewesspinn,
Drüm gink he stounesfuhts herin.
Doch es he dat Vügelsche te siehne kreg,
Do mackten he en bedrüw Gesech.
„Der Vogel“, sag he, „ist ja schön,
Doch will ich wohl dafür einstehn,
Daß schon beim nächsten Morgenstrahl
Er endet hier in Todesqual.“
„Wu! Wat! Wat me-int’sche, segg’sch do?“
Min Vügelsche dem Doud su noh? –
Ick bitt Ou doch üm dousend Pound,
Dä Vugel üs jo ganz gesound!
Herr Ingels, gewt me en gudde Rot;
Ick hebb tu Ou sunnen Tuverlot!“
« Ja, hm, für Vögel weit und breit
Ist jetzt so recht Verpuppenszeit,
Und wenn man sie dann sperret ein,
Nicht hänget in den Sonnenschein,
Mein lieber Meister, sehn Sie, dann
So’n Vogel bald krepieren kann.
Drum hängen Sie am besten schnelle
Den Vogel an eine luftige Stelle.“
Verpuppenszeit? – Verpuppere-i?
Gottwaules, wür et all verbe-i!
Dat dat so schlimm de-i Vügel üs,
Dat glöiw ick Ou nou ganz gewiß;
Ick we-it wahl, wat Verpuppen üs,
Un we-il he sich verpuppe küs,
Will ick en hangen op dem Fleck –
Domit et Dierke ne verreck –
Hie buten öwerem Finster an,
Sua, dat ick en immer siehne kann.
Süh sua! – Nu fang de Puppere-i merr an!“
Dä Schuster stound un stound un surde
An sinnem Finster, kehk un lurde,
Verguat ganz, wat de Flich verlangde,
Indem he üm et Dierken bangde.
Sin Kathrin wod et bold te doll;
Se scheilden üm den Puckel voll:
„Nu säg me es, du dolle Minsch,
Büs du dann e’ntlich ganz verkinsch?
Nu arbet doch un sien ke-inen Blag,
Un wag doch büs tum aunern Dag!“
„Ick kann ne van em Vugel gohn,
Ick glöiw, he kann et ne bestohn.
Dat Dierken het en schreckliche Pien;
Bedink doch merr es, liew Kathrin,
Wenn du’sche sua verpuppe müs,
Da wüßte, wat van Pien dat üs.! –
Et Omes, es et nümmes suach
Un de Schuster lang im Bett all luag,
Kreg Edewatt be-i Mister Pugel
Ut dem Vugelskorf de Kanalljevugel
Un sedde – su wohr ick ihrlich sien –
Dem Schuster en aul Kreih herin.
Un es dä Schuster wackrig wod,
Do hürt he van bekaunem Oht
En seltsam Schreie, rouh un kott.
„Ues et Vügelsche da würklich fott?“
Un Pugel ste-iht am Finsterbrett,
Te siehn, wat et gegewen hätt’,
He riew de Ouge sich mi’m Mau,
“Oh, Kathrin, Kathrin, kumm es gau!
Usen Herrgott kus en ne verschone,
Die Puppere-i üs nou gedohne . . „
„O Krischan, wat en Hucklemei!
Verdäck, ick siehn’t, et üs en Kreih!“
nach Fritz Reuter
Navigation
Linear-Darstellung
