Mölmsch Platt

[Ssaansche]

Bilanz noh’m Wahlssunndaach

De CDU heet in´t Ssaalaund un in Thüringen bös tu twe-istellige Prozente aan Stimme verlore. Kann sinn, dat se do nou in de Oppositioon choon mutt. In bitts Lainer kann dat nou ouk ´n Koalitioon van SPD, Linke un Chrööne cheewe. In Ssasse kann de CDU widderregiere. Do kann se ssech FDP of SPD ees Metmeekes utssööke.
Vöar allem de Linke heet be-i dänne der-i Laundaachs-Wahle döchtig tuchelaach. Äwwer ouk FDP un Chröne häwwen meah Stimme chekreege.


Et woar ees ömmer: All Parteie häwwe chewonne!!!

[Ssaansche]

Auf vielfachen Wunsch wieder im Programm:


Als die Römer „platt“ geworden:


De Schlaach em Teuteberger Boosch

op Mölmsch Platt

„Die Schlacht im Teutoburger Wald“
frei nach einem Original von Hein Huppertz,
der sein Epos in Eschweiler Platt verfasste
Eischwiele Platt - Wörterbuch der Eschweiler Mundart


Vöar nou tweadousend Johr,
ees Jesus negen Johr aul woar,
do trocken römische Kohoade
bös noh Germanien em Noade.
Ouk Varus koam met Chenerale
un dre-i Leggione noh Wäsfale.
Aan de Böim stongen soa Sprööke:
„Hie häwwen aun’re nicks te ssööcke!“
Sselws Tsäsar , dä ssöös alles schloog,
heet sech bös hie nee vöarchewoog.
Merr Varus un sinne Leggionäre,
die daachten wouners wat se wöare.
Se woulen hie de we-ile Fiese
chehöarig mol turääch ees wiese…
föar dann en tiedlang dotubliewe
un döchtig Stüüre i’tudrieve.

Die Leggionäre, hie em Naate,
hadden äwwer schläächde Kaate.
Dicke Blose an de Fööte,
un de Nas stainig am Schnöte.
Sselden woar et schöan dat We-er
wie doheim am Middelme-er.

Dä Stammes-Baas van dä Germane
woar Männe, van sin Untertaane
un sin Saldoate hoach bestrunz,
dän woar bekaunt be-i Hinz un Kunz
ees Hermann dän Cherusker wahl
of ees Arminius öwwerahl,
derweege dat in junge Joor
he ssüdwääts utchewaunert woar.
Deat do be-im Militär tröi deene,
tueas ees en chanz kle-ine.

Dann woad he äwwer, wat en Iah,
en staatse röamsche Offizier.
kallden Italsch of ouk Latiensch
ees en äächte röamsche Minsch.
Doch wenn he Fieromend hadd’,
dann kallden he Wäsfölisch Platt.

„Op freiem Fe-ild, dat woar cheweß,
dä Römer nee te kloppen ös.
Do chiff et nix te diskutiere.
dat mutt me charnee eas probiere.“
Dat woos ouk dä Cheruskers Männe,
dröm lockden he se in de Dänne,
un tüschen Bouken, E-ikenpööle
do koun he se verkammessöle.

Dreck be-im Teutoburger Wauld,
do hadden se sech opchestault.
De Römer koamen aancheloupe,
Männe verstoppden sinne Houpe
chau im Boosch un leet se spööken
un die Römers donoh ssööke.
Ees die Kloppere-i loaschingk
wood et föar die Römer ing.
Ut de Bläer floagen Speere,
die Römer koune sech nee wehre
un se koune ouk nee fott,
dä Ounerchang, dat woar öar Lott.

Ut Pannonien woos he all
wie me et nee maken ssall.
Do woar he ees Arminius
om Kreechspatt met Tiberius.
Däm Baas Männe also schwoar
ees Kommandör em Vöarde-il woar.
He wooß wie Römer - Offiziere
em Kreech en Aanchreep inszeniere.
Soa koune also die Chermane
all fröah die Römer-Taktik ahne,
föar dat me sech im deeche Wauld
strategisch reechtig dann verhauld.

Arminius em Bärefell,
dat woar en reechtig staatse Kääl,
die Stammeskreeger röm un töm,
die leepen ouk em Pelz eröm.
Om Kopp en Hööner-Helm ut Leer
ees Waffe Morge-Stään un Speer.
Ees Morge-Stään ös te verstoon,
en Denge öm hatt drinteschloan,
en Prengel met en decke Kopp
un met en dotzend Spetze drop.
Wän domet wat chetrocke kreech,
dän ssoach am Daach et Stääneleech.

Die Römer droage Helm ut Bronze,
dat deaden die nee föar te stronze.
Sie woulen soane Helm benötze,
föar dä Kappes te beschötze.

Doch wä im „Teutoburger Wald“
mit Bleekhelm tegen Boumstämm knallt,
der höart die Kiirkechlocken klenge
un Engelkes im Hemmel senge.

Et schooten ouk die Legionäre
met Piel un Boowe statt met Chewehre
(die en dä fruahe Aanfangsjoore
’werhoups noch nee erfoune woare.)
Ouk kotte Schwerter, spetze Lanze
föar aantechriepe hadd’n se.

Em Teutoburger Wauld te kämpfe,
dead öaren Heldemut arg dämpfe.
Van vöaren Böim, van aachtern Böim,
un links un räächs un röm un töm.
Et loage Boumstämm twaas un schreeg
un neerges soach me ene Weeg.
Die Römers hadden Mann föar Mann
ouk noch cheschnürte Laatsche aan.
Doch met Sandale an de Fööt
woaren se schlääch utcherööt.
Se bleewen stainig an dat lange
Chestrüpps un Wottelwärk dran hange.
Un manech e-ine Legionär
vam kaiserleche Militär
va’ Roam woar nördlich vanne Alpen
met Fluken döar de Boosch am Talpen.

Die aul Chermane on die jongen,
die achter Böim un Ströuker stongen
föar in däm Loow sech te verstoppe
on rubbelemies eruuttekroppe,
die woaren hie em Boosch doteegen
dän Römers huushoach öwwerlegen.
Chermane sind soawatt chewennt,
die woaren hie em Element.
Dat woar Chermane-Strategie,
soawatt liahren Römer nie.

Föar die woar Ounerholt un Chrööns
ees Kampfchelände charnicks Schöans.
Dän e-ine had am Helm en Dell
dä aunre krääch de Pimpernell:
De Fe-ildflääsch leech, de Boosbüll fott,
Flitzebogen, Schwäät kapott.
Un en Römer oahne Schwäät,
dä ös öwwerhoups nicks wäät.
Soa koune sech die Legionäre
hie em Boosch boll nee meah wehre.
Se hadden’t Kloppe em Chestrüpp
manövermäßig nee cheüb.

Dä Fe-ilhäär hadd ke-in Schlaachtechlück
un trock sin Lüüt en Stöck turück.
Merr woul dän Mutzekopp sseleewe
sech däm Arminius nee ercheewe.
Am veerden Daach do woar’t öm kloar,
dat do nicks meah te maake woar.
On ouk die Legionäre soache,
dat Krösken hie, dat woar verlore.
Soa schloag use Arminius
de Römers platt met Mann un Muus.

Dä Varus deat sin Centurione
met schärpe Vöarwörp nee verschoane,
he heet sin Offizier chessaach,
watt se alles falsch chemack.
On noh dä Chardineprädig
woar Varus met de Nerve fädig.

En Chedanke ssoach he vöar sech
dän Kaiser, dän in Rom natürlich
va’ Cheef mem Duume rouner wees.
Un Varus woos, dat woar waal Mees.
Öm woar met einem Schlaach bewooß,
dat he dän Diens quittiere mooß.
He heet ouk in dersselwen Naach
sech e-igenhainig ömchebrach.

Bei en Chermane-Kompanie,
do chiff et me-is Tuutehoon-Lü,
die met öar Lure musiziere,
föar en staatse Sieg te fiere.
On soan Bloosmusiek erschalld
oak em Teutoburger Wald.
Ees endlich dann vöarbe-i dat Huupe
choaf et vam Männe watt te ssuupe:
Se kreegden oune Ounerscheed
nou twea lecker Schoppe Meet.

Chanz auners woar’t oune in Rom
ees me die Nohreech do vernohm:

Kaiser Auchus soat be-im Eete
un woul chrad em Pau opfreete,
do huarden he em Radio:
“Die dre-i Leggione sin k.o.!”
Va Cheef heet he dat leckre Eete
in dän Apparat cheschmeete.

(Dat et dän noch nee choaf, dat we-it ek waal,
merr däm Auchus woar dat do drietechal.)

Dre-i Legione e-infach soa fott,
dat woar be-im Jupiter en hatt Lott.
He woar wie jeck am rüm am loupe
on dead dann op Latinsch utroope:
« Oh, Varus, dou drööf Duseldier,
chiff me-i minn Leggione wi-er !”


Em paar Wööt draachterher (Nachwort)

Nou heet de Weetenschapp vertauld
et woar charnee em Teutowauld.
Nee, widder nördlich be-i Kalkriese
do deaden Founde drop hinwiese.

Merr dat passeert nee bloas vandaach:
die Schlaach woad dökkeser verlaag
Use Nobers, do en Wadden
em Bööker-Baas em Kloaster hadden,
dän nömmden sech Cincinnius, (Kraushaar)
dä had nee bloas de Hoor wat kruus.
Dat T en Teutoburg wöar schlääch,
wöar et en R, dann wöar’t öm Rääch,
die Römer hädden dann verloore,
wo dä Kruushoor woar cheboore!
Merr en Loof mutt me öm cheewe:
He hadden dat op Platt cheschreewe!


Franz Firla

[Ssaansche]

Original: Oudhollandse Tafelgebed
– von Lévi Weemoedt geb. 1948
in: Traditie, Jahrgang, 14 Nummer 2, Zomer 2008

Ick doe mijn handjes samen.
Ick doe mijn ooghjes dicht.
En bid dat na het Amen
mijn gehackbal er nog ligt.


Übertragung:

Altholländisches Tischgebet

Die Händchen fromm zusammen,
die Äuglein beide dicht,
bet’ ich, dass nach dem Amen,
meine Frikadelle noch da liecht.


Die Grafik zeigt eine zeitgemäße Mölmsch-Platt-Übertragung von Franz Firla

[Ssaansche]

Njuuß - Nohrechte op Platt:


Bechräwnis van ´n Popstar

Vamorge ös Michael Jackson op ´n Gräwerfe-il föar Prominente in Los Angeles tu Rauh chebrach woade. Sinne Sarg ös ut Brongs mit Choldbelaach un van binnen mit künnigsblau Samt utcheschloon. Michael Jackson woar am E-in Enn vam Juni mit fiiftich Johr chestorwe.

[Ssaansche]

Dat Oahr

Kaal Voss had’ endlich Fieromend
un he be-ielden sech,
he woul noch schwatt arbe-ie choon
un woar ärg rabbelech.
En Houlthusen passeert et dann,
et fuahr öm e-inen en de Ssied.
De Autodöar floag paaftig open
un Kaal loag inne Schiet.
Nou koam dä Krankenwagen,
Kaal heet ouk fies cheblott.
Dä Kääl vam Roae Krüz stault faas:
Dat räächte Oahr woar fott.
Lang bruuk me nee te ssööken,
eh dat et e-iner foun’.
Dä Dokter ssallden et verssööken,
off he’t aannaihe koun.
Do keek sech Kaal dat Oahr ees an
un ssaach: „Dat ös cheweß nee mien,
wenn dat mien rächtet Oahr sin sall,
mutt do en Ble-isteef achter ssien!“

[Ssaansche]

En chroaten Worp

Stell’sches vöar, dou trecks dinne Schohn uut, echaal of Schweitfööte of nee, un schmietse met Schmackes noh’m Wittkamp - Boosch!
Un achter en Tied kumme de Lüüt van röm un tüm op’sche aan, kloppen’sche oppe Schouler un brenge en Houpen Cheschenke met: Autos, Hüüser, Päde un Froulüüt.
Do kasse kieke! Nee, nee, dat sin ke-in Fiskesmehre, dat ös all passeet.
Nujo, et woar nee dä Wittkamp-Boosch, wu ömmes drop cheschmeete heet, et woar dä Schorsch - Dabbelju - Boosch chewees. Domols, vöar ‘m Johr, do oune em Irak.
„Hie heesse din Aafscheedsköösken, dou Hound,“ dead he dobe-i roope, dä Muntaser.
Nommalerwies häwwen se do ke-inem Boosch. Derweege mutt me dat ouk utnotze, wenn ees e-ine kömp. Heet he föar sech chessaach. Denn werpe doon se do oune am leefste. Se häwwen do jo völl Ste-in römligge. Wat sall me ouk söös domit maake? Merr dän Muntaser, dat woar en Schriewer vanne Sse-idung, dän hadden domols merr Schohn dobe-i ,un do heet he dann e-ine va’ Cheef op dän Dabbelju cheschmeete, äwwer he koun öm nee raake. Chenau ees minne Bäästevaader!
Dä heet döckeser sinne Schluffe noh sinne Teef cheschmeete, wenn se öm all wi-er dat Kotlett ute Pann stibitz had. Chottwaules mooss he derweege nee in däm Pittermann.
Et choaf jo noch ke-inen Diereschotz.
Dä Muntaser al-Saidi hadd en Stroof chekreege. Ein Johr van dre-i heet he aafchesette. Vielle-ichs, weil he nee chetroofe heet. Dat che-iht teegen die Eahre, dat Schmiete ös jo en Volkssport em Irak, do ssallden he sech em bittschern föar schaame un moot eas emol in däm Pittermann.

Sinne Bruur heet dertied Autochramme checheewe. Föar die Schoon häwwe se all tehn Millione Dollars aancheboo-e. In de Türke-i chiff’t en Brettspeel föar de Ke-iner, do häwwe se dat Schohnschmiete op dän Deckel chemolt. Vielle-ichs ös dä Muntaser föar de Iraker soa wat ees dä Wim Tell föar de Schwieter. Dat woar jo en bittschen wat aunes. Dä hadd jo dän Appel vam Kopp van sinnem Soahn cheschoote. Merr, dat kasse me-i chlöiwe, dän Schorsch-Dabbeljuh dä hadd ouk e-ine am Appel.


Franz Firla

[Ssaansche]

Norechte op Platt

Be-i dat Fernseh-Stri-e chister omend töschen Bouneskanzlersche Angela Merkel un öarem Vize Frank-Walter Steinmeier heet ke-inen van bitts rechtig chewonne. No ´n Ömfroag van Infratest loagen bitts chliekop. 42 Prozent me-int, Angela Merkel heet chewonne. Noch e-im Prozent meah chlöiv, dat Steinmeier de Nas vöaren hadd.

[Ssaansche]

Witze op Platt


Däm Poleze-i höilt en Autofahrer aan und sseet: Nou bloos ees!“ – Froag dän Autofahrer: „Wu hesse denn dat Pien?“

An’t Uuwer van dän Ssiä Cheneesarett froog en Tourist en Scheper, wat de Öwwerfaht waal kooste dead. „Vertich Dollar“, ssaach he. “Watt? Dat ös jo Wahnssinn”, reep dän Frömde. “Jo, äwwer dinkent ees”, ssaach dä Schepersmann, “öwwer hidän Ssiä, do chink dä He-iland te Foot. En Wouner”! “Nee, dat ös ke-in Wouner, be-i däm Pries!”

Dän kle-ine Kaal heet en chanzen Kooken alle-in opchefreete.
„Hesse denn charnee aan dinne Ssööster Anna chedaach?“, froach sin Mooder.
„Jo, dorum häpp ek ouk so chau chefreete.“

Usen Bäästevaader bruuk en nöie Brill. Froach däm Brillemaaker:
„Wietsechtig of kottsechtig?“
„Nee,“ seet dän Aule, „döarsechtig“

Franz Firla

[Ssaansche]

An dieser Stelle wollen wir mal auf ein Essen eingehen, welches als typisches Mülheimer Gericht gilt:

Kartoffel-Endivien durcheinander.

Dazu gibt's meist Blutwurst, früher Panhas (Wurstbrühe mit Buchweizenmehl)

Es trägt deshalb auch den Namen "Endivien dore-in". Daneben gibt es aber noch andere Bezeichnungen wie "Schlempe" oder "Pannschlaat".

Wer da noch einen Begriff beisteuern kann, ist herzlich aufgefordert, es hier zu tun.

Die Niederländer nennen es Andijvie-Stamppot (=(Kartoffel-)-Stampftopf mit Endivien-Salat)
Auf englisch: Raw Endive Stamppot
und französisch: Purée de pommes de terres aux endives

Das Rezept:

Stadt Mülheim an der Ruhr - Endivien dore-in (Endivien durcheinander)


Bös doher!

[Ssaansche]

Hier die Mölmsche Version des berühmten "Ännchen von Tharau". Übrigens von demselben Wilhelm Klewer, der unser Martinslied "Ssinter Mätes Vögelsche" wiederbelebt hat.